呢個假期本來諗住好好的瞓過夠, 但事與願違, 我諗瞓得最開心都係年三十晚提早放工, 回家小睡了兩個鐘, 本來應該可以瞓耐d, 就係因為阿媽倒垃圾時唔記得unlock屋企隻門, 所以就被她打來的電話嘈醒了…..又諗住嗰晚早d瞓, 4點起身睇英格蘭, 連之前約好的竹戰也取消, 點知同個身在外地嘅朋友msn到兩點, 較咗鬧鐘3:45響, 係醒咗ga, 但見仲有時間, 瞓多一陣, 一瞓就已經6點半, 場波都完…. 只好瞓多一陣8:30起身開工(Home Standby)

年初二, 諗住可以大瞓特瞓, 點知11點幾比阿媽叫醒, 仲以為有d咩姨媽姑姐嚟拜年, 點知係叫我起身食開年飯…oh God, 阿媽, 你年年都無預我食ga la, 今年叫醒我做乜? 就算係你都早一晚同我講等我早d瞓. 就因為起咗身, 即興地約朋友夜晚睇CJ7, so far so good la, 套戲略為短咗少少, 有d似Harry Potter.

年初三, 因一早知道有人嚟拜年, 10點幾就起身, 飲埋茶, 下晝約咗friend 行街, 去到d shopping mall, 仲以為自己返咗大陸, 成個商場都係自由行. 夜晚去咗睇李克勤演唱會, 無乜驚喜, 但誓估唔到, 克勤會因為跌咗隻Con, 導致有d 唱錯歌詞和走音, 呢d 嘢無理由喺佢身上發生!

年初四, 過返平時星期日的日子, 但也忙住幫屋企3部電腦進行移植手術, 現在只完成1部半…未來數天放工回家, 我諗都要繼續…….

4日農曆新年假又完了,只有期待3月的復活節假期……