巴黎所有識揸車嘅人, 係咪都識少林武功嘅呢, 如果唔係佢哋點可以泊車泊成咁?

以上情景隨處可見, 只有識功夫嘅人一掌打埋去先可以做得到, 佩服佩服.

經過13小時機程, 大約於7:35到達行程最後一個目的地, 新加坡. 選搭星航其中一個原因, 就係可以去埋新加坡, 嚟一個day trip.

新加坡比我第一個印象係 – 熱, 一出機場, 就如一個焗爐, 我在衣著上已有所準備, 背心短褲, 但依然有一種想死嘅感覺.

之前都沒有plan過想去邊, 只plan過要食d咩同去Merlion影幅到此一遊. 但由我老豆帶隊, 又一次的中礁.

第一站搭MRT 去小印度, 印度及英國的小印度我都去過, 我到而家都唔知去嚟做乜,街頭行到街尾, 只有熱字.

跟住比$3搭SIA provide嘅travel bus ($3 全日任搭, 可以去到大部份旅遊點, 但唔去機場) 到Opera House, 再沿路行去Merlion, 只是短短的5分鐘行程, 太陽都未正式浦頭, 我已差點被焗暈, 都唔知d人點可以喺度生存. 影完相後, 即刻衝入Starbuck 買杯 Frappccino 降溫先舒服返d.

在沿路行去老巴剎, 見到有好多地道嘢食, 但實在太熱, 無辦法喺呢度食得落嘢, 只好搭車去下一站Clark Quay 揾地方食嘢(係貴d, 但我老豆suggest), 我們搵了一間有冷氣的酒家食lunch, order 了我想食嘅黑椒蟹, yummy.

After lunch, 步行去牛車水, 都係到此一遊, 跟住我老豆約了人喺度, 於是我同阿媽就去咗Orchid Road 行街, 去到Orchid Road, 人山人海, 即刻走入shopping mall降溫, 行了一陣 (都無乜mood 行, 雖則大減價, 都唔見平得去邊), 便到超級市場幫朋友掃貨, 之後再搵food court 食我至愛嘅喇沙. 本來想食埋海南雞飯, 但個胃容納唔到, 只好放棄, 早知外賣上機食, 回程時嘅飛機餐好難食

時間已經4點多, 我們7點機, 要5點返到機埸, 都係時候離開了, 搭返MRT返機場, 新加坡之行亦告一段落.

以前都去過其他東南亞城市, 都無新加坡熱/焗得咁厲害, 以後如非必要, 我諗我都唔會再踏足這裡.

最後半天在倫敦了, 今日只有一樣嘢, 去機場check-in. 11:55 機, 我們又用到盡最後1分鐘, 9:45先出發去機場, sorry, 係9:45先開始搬行李上車, 由酒店去機場只須15分鐘.

去到機場, 仲要去做退稅先可以check-in, 因佢哋有可能check你要退稅的東西. 根據我老豆之前所講, 退稅手續十分快, 去到當然相反, 唔夠10個人排隊, 做嘢嘅有5個, 都等了成15分鐘, 做退稅過程用了10分鐘以上. 大家可以計一計, 時間距起飛時間大約仲有1個鐘. 雖然做了online check-in, 但都不能太遲, 又要過超麻煩嘅security check, 所以我嘅退稅做完後, 便同阿媽以9秒9 去check-in先, 後補返老豆本passport, 一切都很順利ga, 點知個地勤問我哋會喺香港逗留幾耐(我哋搭星航, 停星加坡再轉機返香港, 在加上我發現而家好多人見到本BNO, 以為係 British passport), 我答我哋係Hong Kong Resident, 佢要check 我哋HKID, 我當然好合作啦, 但我有一個前入境主任的老豆, 又話privacy又剩, 不肯show比人睇, 好彩我細佬喺度 (只有佢有能力講服我老豆), 如果唔係…..

記得尋日在Harrods睇中個袋ma, 入閘後, 當然即刻去搵. 個天整定我要買, 價錢比尋日平3鎊, 我即刻傾盡所有coins, 毫不猶豫買了下來. 之後便衝去登機了.

這刻係我成個trip最期待的一刻….A380, I’m coming. 我哋去到閘口已經係last call 了. 我們的座位在上層, 登機時已經分了上下層, 所以不用上上落落.

A380的座位比較寬闊, 我隔離坐了個肥肥哋嘅鬼佬都唔覺好逼, 13個鐘機程, 今次全機滿, 無可能像去程時一人霸佔4個位, 仲要個位好近洗手間 但我一樣可以瞓到死豬咁, 瞓咗6個幾鐘.

今次英國之行, 正式畫上句號了. 唯一可惜嘅就係無時間去大英博物館同Tower Bridge.

好多歐洲旅行團都會以英國為尾站, 通常早去晚走, 因英國酒店太貴, 我成日諗, 一日真的可以行得晒所有景點? 答案是可以的. 但行到腳都跛.

第七天在倫敦, 已經係行程的尾聲, 事關明天早機便走了. 之前好幾天都沒有到過的景點, 今日傾巢而出, 一次過去晒.

第一站, 先搭Metro 去Knight Bridge, 光顧/參觀一下Harrods la, metro Knight Bridge 站一出就係, 揾都唔駛揾. 其實去完巴黎, 都無乜興趣再行百貨公司, 只是抱住到此一遊心態, 行一行手信部及Harrods shop. 哈哈! 又被我看中一個袋了, sorry, 唔係 Harrods d 膠袋, 我完全無興趣, 亦唔知道有乜咁值錢, 我睇中嘅係一個布袋, 但要成19.95鎊, 心大心細下, 阿媽叫我明天到機場搏一搏, 機場也有Harrods, 價錢會平d, 但就無乜款, 於是就賭吓運氣啦.

離開了Harrods, 再乘Piccadily Line 去Arsenal, 為嘅係一睹Emirates Stadium, 影完相後, 又搭Metro 去Piccadilly Sq 食lunch, 唔知係咪有人聽了我無數日的投訴, 今次終於去鋸扒. 嘩!! 在英國鋸扒咁Q貴, 我哋只係去一間連鎖式Steak house, 都唔係有乜級數嗰d, 座底成15鎊一塊, 仲要咩都唔包, steak only. 但都入咗去, 我哋4個order 了4款扒, 2 個side dishes, 味道…. 好似扒王之王好d wor, 埋單成80鎊, 終於明白d人話英國嘢又貴又唔好食.

食完一餐富貴嘅午餐, 行程重點嚟喇. 先沿Piccadilly 行去 Admirty Arch, 因英女皇明天壽辰, 所以有d 佈置. 再沿路到Downing Street (首相府), 嗰度街口已落咗兩行閘, 唔講以為係監牢. 再直行, 到大笨鐘, 西敏寺, 上下議院 (其實同一度地方), 過Westminster Bridge 到 London Eye/水族館, 再行去Waterloo Station (以前Eurostar 站), 基本到此一遊點只須2個鐘搞掂. 本來想去睇埋Tower Bridge, 但我細佬話要行成十幾條橋先到, 只好放棄.

之後, 便坐巴士去Oxford Street, 因阿媽要去Boots 買嘢, 於是再進駐呢條街. 又比我老豆介紹一間cheap cheap 時裝店, Primark, 入面d衫平靚正, Tee 都係4-5鎊一件, d質料都ok, 但人太多, 如果想試, sorry, 排返半個鐘先啦, 同埋d size 比較大, 要揾Size 8-10 (我d Size), 唔係太多, 但都比我掃到3件Tee, 1件shirt, 我老豆仲誇張, 掃到件老西. 唉! 我老豆應該早d同我講有呢間嘢, 唔駛我浪費d時間去等阿媽搵Boots.

Shopping 過後, 我細佬仲欠我一個景點, Covent Garden,, 其實由Oxford Street去Covent Garden 唔係好遠, 因我哋有Day Pass, 當然搭….巴士到Leicester Sq, 再行去. 好近, 係, 當你無行錯路嘅話, 兜了幾條街後, 點解我會見到Oxford Street 個路牌? 一個去過London十幾次加一個住喺 London嘅”英國人” 帶錯路, 枉行了幾條街!自己睇地圖或搭Metro可能仲快. 最終阿媽發老脾, 而我都話唔去之際, 老豆伸手截的士, 上車前都要問一問司機去唔去, 因真係好近.

經過”長途跋涉”, 終於到喇, 但已差不多6點, market d 舗都開始收, 只剩少量街頭表演同埋今日係Friday, 好多人去附近(SOHO) d Pub Happy Hour, 我亦要開始物色地方支持荷蘭打低法國. 距開波時間仲有45分鐘, d pub 門口排晒隊, 經過Planet Hollywood門口寫有Euro, 心諗又可以坐喺度舒舒服服邊食邊睇, 又唔係太雜, 就呢度啦. 其他人要去同”襯家” 食飯, 我就荷蘭至上, 去睇波.

睇完波, 佢哋又食完飯, 再夜遊埋Picadilly Circus, 英國行程亦算畫上句號, 要返酒店做最艱辛動作 - 執行李, 明天下午12點機離開.

今天沒有什麼特別的行程, 只有兩個outlet.

9:00 出發, 先到一間cheap cheap 超市, 因為要幫朋友買cream, 這個cream之前在都市日報介紹過, 大約HK$30, 功效好過有d大牌子, 但只有在Aldi 這間supermarket 才有得買, 價錢 1.89鎊, 港幣$30 有找.

跟住便向第一個outlet, Swindon 出發, 大約個多小時的車程便到達. 一向英國d嘢比我個印象已經out, 仲要outlet, out 上加out, 不出我所料, 這個outlet d 嘢真係無乜吸引力, 只是在 Tommy Hilfiger 買了件tee. Lunch, 我們選擇了在這個food court搞掂, 但成個food court, 我們覺得最穩陣就係KFC, 唉!

飯後, 便出發往第二個outlet, Bicester Village, 這個outlet在Oxford 附近, 但這個outlet d 嘢雖然貴少少, 可是比較啱我心水, 有多d名牌, d嘢比較新d. 我也在 “Links” 出血了, 用$50鎊買了一條原價$119的手鏈, 仲有得退稅. 為了呢條鏈, 我前前後後入了呢間鋪三次, 因只有兩個sales, 她們每次只會serve 一個客, 你問佢呢, 她只說serve 緊另一個, 叫你等等, 但她只是等緊個客揀東西, 激死. 本來仲想行多陣, 但約了老豆的朋友吃晚飯, 只好匆匆的走. 真可惜, 應該放棄第一個outlet, 浪費時間.

晚飯後, 都9 點多, 附近間 Tesco 24小時營業, 便去這裡作我最後衝刺 (我每次入supermarket 都有斬獲) hehe. 哈哈! 又比我發現新大陸, Maltesers 朱古力奶, 佢個instruction 話如果想 make it Frothy, 只要 crazy shake for 10 sec, funny! 只須89p, 便買支試一試, 又真係幾frothy.

今日係喺巴黎最後一日, 當然要爭取時間9點鐘出發.

Hotel check out 後便到車站搵locker放下行李, 只須euro$4, 就可以擺一日. 之後就去咗老麥食早餐, 法國人真係好鐘意飲咖啡, breakfast set通常一杯coffee, 一杯橙汁.

匆匆食過早餐後, 要開始今日嘅行程了.今日行程好簡單, 只有一樣 – Shopping

我哋今日去巴黎老牌百貨公司, La Fayette.行了大約兩個鐘, 沒有什麼斬獲, 想退稅, 要買滿$175, 有d 難度, 但最後我哋在手信部買了大量朱古力, 夾埋d單, 剛剛可以退稅, 又多幾蚊洗吓.

又到醫肚嘅時間, 我哋上咗9/f 嘅Café, 對住巴黎鐵塔食lunch.

Lunch 之後, 大家便分頭行事, 朋友想出返尋日條名店街放血, 而我想行埋隔離間Printemps, 所以大家便在此Say goodbye, 因為我會搭遲佢哋一班Euro Star 返London.

在Lafayette對面有間廉價時裝店 C&A, d衫都係十幾Euro, 但sorry, 大人衫, 無件啱我size, 只有向童裝進發, 比我執吓執吓, 都執到兩三件.

跟住再進攻埋Printemps, Printemps比起LaFayette無咁高級, 阿媽買了對鞋, 我? 空手而回, 但接到朋友sms, 要幫他買個LV, 於是又行返去La Fayette 買, 再做埋退稅, 時間差不多要回去了(6:30pm 了).雖則9:13pm車, 但又要食dinner(法國食餐飯要成個幾鐘), 又要攞行李, 又要過 Immigration, 都係嗱嗱淋搭車返車站嗰頭食飯.

Dinner 選擇了一間連鎖Steak House, Hipposteak, 當然又選2 course menu, 今次我揀了洋蔥湯同我至愛嘅牛扒. 非常美味. 本來仲想去隔離McDonald 打包個Happy Meal上車食, 因happy meal 送Mario product, 但收到朋友的sms說McDonald已經沒有Mario, 只有打消念頭, 原來她們早我哋兩個鐘走, 要在McDonald 買take away.

食完一個好rush嘅dinner, 便要衝去車站攞返行李, 去上層check out (France) check in (UK).

大概2個半鐘嘅車程, 又回到倫敦了. 今次我哋轉了另一間酒店, 當然我又可以自己一間房.哈哈!

今天10點出發, 在車站一間Coffee shop吃過早餐, 便開始今日行程.

第一站, 聖心堂, 位於蒙馬特區, 搭地鐵很快到, 聖心堂位於山上, 是睇日落的好地點, 但巴黎成10點幾先日落, 邊睇到, 但在山上望落去嘅巴黎全景也非常美麗.

之後便往下一個景點, 紅磨坊(Moulin Rough)進發, 途中便隨便找間Side-walk Café食lunch. 在巴黎, Side-walk Café 到處可見, 是但一間都非常美味, 價錢平均Euro$1x, 為起港幣可能貴了點, 但無辦法, 間間都是這樣.

食完Lunch, 去完紅磨坊, 又到下一個景點, 凱旋門出發. 凱旋門位於巴黎名店街, 香榭麗榭大道頭, 所以到此一遊後, 便開始血拚之旅.

香榭麗榭大道名店臨立, 要咩名牌有咩名牌, 但奈何要幫朋友找的牌子偏偏找不到. 當然我最終也在LV出了血….在法國, LV已經係一個好cheap嘅牌子.

行到累, 便到一間食甜品出名的餐廳 Laduree 食tea, 試一下法國傳統甜品 Macaron, 味道不錯.

之後沿香榭麗榭大道轉入另一條名店街, Rue du Faubourg Saint Honore, 朋友要幫人 在Chanel買手袋, 左揀右揀下, 店舖都落閘放狗了, 買完後, 成條街的店舖都已關門 (成7點幾了), 於是便乘車回酒店放下戰利品, 再去車站附近食個海鮮大餐.

晚餐我們選了2course menu, Starter + main course, Starter, 我哋個個都揀了生蠔半打, 非常新鮮, 唔太creamy, 啱晒我, 食多一打都無問題, Main course, 我揀了生牛肉(又一次發輝牛魔王本色）, 餐廳用香料, 洋蔥, mustard 撈在一起, 一d都唔覺得生的感覺. 本來仲想order個甜品, 但太飽了, 只好放棄.

今朝一早7:30 搭Euro Star 出發, 在St Pancras check in (France Immigration) 後, 在10:53到達, 原來BNO已經免簽證去歐洲了.

步出車站後, 仲以為要花少少時間去搵間酒店, 但抬頭一望已經見到, 只是一條馬路之隔. 我們下塌的酒店叫New Hotel, 雖然算不上什麼星級, 但是勝在方便.

Check in 後, 便向我們的第一站, 羅浮宮, 出發, 在車站買了一張3 days pass, 盛惠Euro19. 之後便乘metro到達, 一上地面已經就係…. 之前上網d人話要排晒長龍買飛, 但原來不需要, 有好多自動售賣機, 好容易就用$9買到飛.

行了接近兩個鐘, 想睇嘅都睇完, 便出發去下一個景點, 聖母院. 但出面又晒又熱, 終於在 Haagen-Dazs坐低食個雪糕, 然後乘巴士出發

巴黎聖母院位於Cite島上, 係鐘樓陀俠故事嘅背景, 現在當然找不到陀俠. 在我眼前的聖母院相當宏偉, 真的想像不到以前d人點起.

聖母院隔離就係塞納河 我們本打算搭觀光船去鐵塔, 但船飛只有Day Pass, 所以最後都係搭巴士去, 巴黎交通非常方便, 旅遊點非常容易搵.

一落車, 就望到鐵塔, 只要沿公園行, 就能走近. 但上鐵塔的人龍打了幾個蛇餅, 我們又累又熱又餓  (已經8點幾了), 所以便在附近找間有Euro 睇的餐廳食飯, 支持吓荷蘭隊.

After dinner, 仲未天黑, 我們便乘巴士回酒店, 車程只須15分鐘, 非常快.

今日簡直係玩足全日, 上晝去咗Notting Hill, 都係因為套電影而去, 但有少少失望, 無乜特別, 好似赤柱咁, 但呢度令我最破費嘅地方. 事原, 我老豆見到個懷舊mini football, 全家人不停遊說我買, 嘩! 成18鎊, 最終都敵不過他們, 買了下來.

Lunch, 我哋去返夜晚擺酒間酒樓飲茶, 一碟齋腸都成3.2鎊, 仲要香港d腸粉好味d.

根住我哋去咗St Pancras Station 攞咗明天出發去法國d  Euro star ticket, 之後就去咗 Camden Town, 呢度龍蛇混雜, 但有好多得意嘢睇, 呢度咪就係早排大火嗰度.

今日天氣”非常” 好, 又晒又熱, 全日短袖, 未著過褸.

夜晚, 就係我細佬在英國擺酒的日子, 有Karaoke 供應, 我哋開咗兩個, 一邊”人”, 一邊”鬼”.

晚飯過後, 返到酒店都成12點, 拿拿淋執埋d嘢聽朝7:30車去巴黎

今天係喺London最tired 嘅一天. 之前一晚明明講明10點出發, 點知阿媽8點就拍門, 要幫她出去買早餐, 搞埋d嘢, 出去同佢買, 點知我細佬早到, 又話要早出發, 我當然say no la…最終只有準時10點出發…

出發去邊? 我細佬結婚, 做家姐嘅, 要做埋伴娘, 所以要到女家幫手, 於是便由12點忙到5 點….著住條裙, 大動作d都驚走光, 好麻煩.

但忙完嘅結果, 係30鎊開門利是, 同埋兩場歐洲國家盃. 5 點後回到女家換衫, 仲趕得切睇瑞士vs捷克上半場尾, 當然有時間睇埋下半場啦. 正當7點半要出去食飯, 下一場葡萄牙vs 土耳其都凍過水之際, 晚飯間意大利餐廳居然有得播, yeah! 仲可以睇足全場.非常開心.

食埋飯, 執埋d嘢, 再揸兩個鐘車, 返到酒店, 都成12點幾lu…..

所以非常tired

今天原定去阿仙奴球場, 但最後去咗車仔嗰個, 雖然只可以喺出面睇, 唔可以入去, 但都好興奮.

之後便駒車北上去Stonehenge, 因之前上網睇過喺入面睇同出面睇分別不大, 所以我哋決定唔花UK$6.5入場, 只在外圍影相.

其實今日行程不多, 因要去 Leicester pick up 我表妹出席我細佬聽日嗰婚禮.

今日個lunch 去咗 McDonald, 4條友食咗我成8 pound, 但總好過中國菜. 至於 dinner, 去咗一間hotel 仔入面食 steak, 有roast beef, turkey, roast pork, 仲有大量vege, 每人只可以攞肉類1次, vege 就可以任攞. 我食咗roast beef and pork, 加埋個Onion sauce, yummy, 水準之作.

仲有今日行過supermarket 買咗本利物浦雜誌, 入面仲有謝拉特 poster, 盛恵$2.1, 除咗行物浦, 仲有曼聯, 車仔, 阿仙奴....大家如想要, 請通知我

今日一早便起身, 因昨晚忘記關電話, 被一個不知名的call嘈醒.

今日天氣好熱呀, 話20度, 都唔止啦. 我著短袖都出晒汗, 呢度d 地鐵熱到死 , 巴士又無冷氣, 焗到暈, 落車行仲舒服.

今日去咗Oxford Street 一帶 shopping, 但由於英鎊高企, d衫都唔係好化算. 但英國呢度好有足球氣氛, 行入Nike or Adidas, 可以見到唔同國家嘅波衫, 街邊檔又有好多球會嘅物品. 仲有係瞬間看地球個廣場有間Lilywhite, 入面勁多波衫, 咩球會 (Liverpool, MU, Arsenal……), 國家(even Singapore)都有, 睇到唔捨得走, 真係有個衝動買支英格蘭國旗. (各位想要嘅, 我可以幫你買). 但同老豆行街(10年如1日), 永遠兜嚟兜去都係嗰個area, 去到邊又唔講, 吓吓要問呢度邊度, 但又有d講唔出…我都忍無可忍, 有個衝動自己走咗去. 喺Leicester Sq 有好多half price Opera, 我想睇ga, 但佢地好似無預我會有夜生活, 永遠將d時間occupy 晒去食飯..

仲有今日lunch 去咗頂頂大名嘅旺記, 可能我成兩點幾先去, 都無乜人, 食物ok la, 喺外國, 我唔係好鍾意食中國嘢, 一定無香港咁好食, 又貴, 我都係喜愛地道嘢. 奈何今日嘅晚餐又係中國菜, 見到Steak house 都有個衝動走入去.

下午六點幾到達, 天氣very good, 涼涼地, 去到酒店差不多8點, 但個天仲好光, 呢度夜晚10點先天黑… 有d唔慣天光食dinner.

 我們下榻的酒店雖然沒有什麼級數, 但都ok, 有tv , free wifi, 仲有我可以自己一間房, 無人煩我…酒店隔離就係McDonald, 附近又有士多, 買嘢食好

星航d 嘢食真係無得頂, 我都食足3餐, 填補返之前幾個禮拜食唔到嘅嘢..哈哈, 好彩帶定胃藥上機..

熟識我嘅人都一定知道我會選邊款Main course食…hehe

Lunch from Singapore

Appetizer

- Marinated scallop with pasta and vegetable salad

Main courses

- Grilled beef steak served with roasted assorted vegetables and rosemary flavored potato

or

- Sweet and sour salmon fillet served with selected vegetables and fried rice

or

- Indian chicken curry with spiced potato-cauliflower and pilaf rice

Cheese

- Cheese and crackers

Dessert

- Ice-cream

Bread

Dinner from Singapore

Appetizer

- Smoked turkey with cucumber and tomato salad

Main course

- Seafood thermidor style served with seasonal vegetables and linguine pasta

or

- Braised chicken with ginger and spring onion served with seasonal vegetables and fried rice

or

- Thai style red curry beef with spiced vegetables and steamed rice

Cheese

- Cheese and crackers

Dessert

- Chocolate cheesecake

Bread