7 日之旅程, 可以話黑到脾嚟形容, 但其實又可以話逢凶化吉

出師不利 - 由於乘8:00機, 只可趕最早班City Flyer 去機場, 班車 5:45 到站, 一切都好順利, 點知架車過了青嶼幹線收費亭, 停站落客後, 車門關唔到, 司機試了 5 分鐘都未能將車門關上, 由於Long weekend 將至, 好多人都趕飛機, 大部份乘客開始起哄, 把好夢正甜的我吵醒了, 即刻攞埋行李轉車. 好彩都趕得切 check in, 並於 Final Call 時登機

密碼突轉 - 明明用開同一個密碼開行李都無事, 點知到第四日遊完西湖返酒店執埋行李走人之時, 個行李鎖開唔到, oh god, 點算呀, 改密碼要搵尖嘢篤住先改到, 我無理由會改到個 password, 試了5 分鐘都唔得, 於是亂撞, 又好好彩撞中, 但點解會由原本 “ABB” 改咗做 “DBB”, 依家仲係一個謎

長廊封了 - 去上海當然必去外灘, 但由於世博關係, 成個上海都沙塵滾滾, 連黃埔區外灘長廊都封了, 未能望到浦東靚景, 連原先諗住坐擺渡過黃埔江, 都只可以改為搭地鐵